என்னை தேடி காதல் என்ற வார்த்தையனுப்பு

சில பாடல்கள் அப்படியே மனதின் அடி நாதத்தை வருடிச்சென்று விடுகின்றன. கேட்கக் கேட்கத் திகட்காமல் மேலும் மேலும் பாடலின் ஊடே இலயித்துப் போய்விடும் மனது. மென்மையாக பரவும் சங்கீதம் மனதின் அந்தரங்கத்தில் எப்போதும் மீள மீள ஒலிபரப்பாகிக் கொண்டே இருக்கும்.

அத்தகைய பாடல்கள் முன்னர் திரைப்படங்களின் ஊடாகவே மக்களின் மனங்களை அடைந்தது. ஆனால் இன்று பற்பல பாடல்கள் பல்வேறு வழிகளில் மனங்களை நிறைக்கின்றன. அது போலத்தான் இந்தப் பாடல் காதலிக்க நேரமில்லை என்ற விஐய்த் தொலைக்காட்சி தொடருக்காக விஐய் அன்ரனியால் இசையமைக்கப்பட்ட காதலிக்க நேரமில்லையின் தலைப்பு பாடல்.

இந்தப் பாடல் ஓர் பெண்ணின் உணர்வுகளினூடு கலந்திருந்தாலும் தன் காதலை தன் பிரியங்கமானவளுக்கு உணர்த்த துடிக்கும் ஓர் ஆணுக்கும் பொருந்தும்.

தேக்கி வைத்த காதல்தனை அவளிடம் சேர்க்க வழிதெரியாது, அவள் விழிதனில் வழி தேடிய காதல்.. கனவில் மட்டும் காதல் செய்து தன் இரவை தொலைத்த காதல்.. மஞ்சள் பூக்கள் உதிரும் சாலைவழி பேசிச் சென்ற காதல்.. இந்த வரிகளை எழுதும் போதுகூட என் மனதில் மென்மையாக எதிரொலிக் கொண்டிருக்கின்றது இந்தப் பாடல்.. பாடல் வரிகள் காதலை அற்புதமாக வடிக்கின்றன. உயிர் உருகும் வரிகள்..

பாடகியின் குரல் இன்னும் அழகு சேர்கின்றது பாடலுக்கு. வார்த்தைகளின் உச்சரிப்பின் தெளிவும் மயக்கும் குரலும் பாடலின் சிறப்பிற்கு அணிகள். இசை அதைவிடவும் அற்புதம். சற்றுக் கேட்டுபாருங்கள் பாடலை. பாடல் எப்போதோ வெளிவந்து விட்டது. ஆதனால் என்ன, நான் பெற்ற இன்பம் பெறுக இவ் வையகம் என்ற சின்ன ஆசையில் பதிகின்றேன்..

பாடலாசிரியர் : தேன்மொழி தாஸ் (Thenmozhi Das)

பாடகி : சங்கீதா (Sangeetha)
இந்தத் தகவல்களைத் தேடிப்பெற்றுத் தந்த நண்பனுக்கு நன்றிகள்.

பாடலை தரவுறக்கி சேமிக்க இங்கே சொருகுங்கள்

என்னை தேடி காதல் என்ற வார்த்தை அனுப்பு
உன்னை தேடி வாழ்வின் மொத்த அர்த்தம் தருவேன்
செல்லரிக்கும் தனிமையில் செத்துவிடுமுன் செய்தி அனுப்பு
என்னிடத்தில் தேக்கிவைத்த காதல் முழுதும்
உன்னிடத்தில் கொண்டு வரத் தெரியவில்லை
காதலதை சொல்லுகின்ற வழி தெரிந்தால் சொல்லியனுப்பு
பூக்கள் உதிரும் சாலை வழியே பேசி செல்கிறேன்
மரங்கள் கூட நடப்பது போல நினைத்து கொள்கிறேன்
கடிதம் ஒன்றில் கப்பல் செய்து மழையில் விடுகின்றேன்
கனவில் மட்டும் காதல் செய்து இரவைக் கொல்கின்றேன்

என்னை தேடி காதல் என்ற வார்த்தை அனுப்பு
உன்னை தேடி வாழ்வின் மொத்த அர்த்தம் தருவேன்
செல்லரிக்கும் தனிமையில் செத்துவிடுமுன் செய்தி அனுப்பு

யாரோ..
உன்காதலில் வாழ்வது யாரோ..
உன் கனவினில் நிறைவது யாரோ..
என் சலனங்கள் தீர்த்திட வாராயோ..
ஏனோ…
என் இரவுகள் நீள்வது ஏனோ..
ஒரு பகல் எனச் சுடுவதும் ஏனோ..
என் தனிமையின் அவஸ்தைகள் தீராதோ..
காதல் தர நெஞ்சம் காத்திருக்கு
காதலிக்க அங்க நேரம் இல்லையா..
இலையைப் போல் என் இதயம் தவறிவிழுந்தேன்

என்னை தேடி காதல் என்ற வார்த்தை அனுப்பு
உன்னை தேடி வாழ்வின் மொத்த அர்த்தம் தருவேன்
செல்லரிக்கும் தனிமையில் செத்துவிடுமுன் செய்தி அனுப்பு
என்னிடத்தில் தேக்கிவைத்த காதல் முழுதும்
உன்னிடத்தில் கொண்டு வரத் தெரியவில்லை
காதலதை சொல்லுகின்ற வழி தெரிந்தால் சொல்லியனுப்பு
பூக்கள் உதிரும் சாலை வழியே பேசி செல்கிறேன்
மரங்கள் கூட நடப்பது போல நினைத்து கொள்கிறேன்.

Categories: எனது பார்வையில், குறிப்புக்கள், பாடசாலை நாட்கள், பாதித்தவை

14 comments