காதலின் புதுப்பாடம் – காத்திருப்பு

வீண் கோபம் என்னோடு ஏன் அன்பே
உனக்காக நான் வரையும் மடலிது

என் ஈர விழிகளுக்குள் நீ நுழைந்து
கலகம் செய்த நாட்கள் எத்தனை
என் சுயத்தோடு கண்ணாம்மூச்சி விளையாடி
இதயவாசலில் நீ பின்னலிட்ட தோறணங்கள் எத்தனை
என் மொனத் தவம் கலைக்க
கடைவிழி வழியே நீ நாண் ஏற்றிய பாணங்கள் எத்தனை
இத்தனையும் என் இதயத்கூட்டின் அத்தனை
அறைகளிலும் நித்திய சிம்மாசனம் இட்டிடத்தானே
என்றோ தந்து விட்டேனே
இதயராணி என்னும் உரிமையை

என் மானசீகக் காதலியாகி
மனத்தின் அந்தரங்க அறைகளில்
எனக்காக நீ அரங்கேற்றிய பரதங்கள் எத்தனை
உந்தன் கொலுசுகள் மீட்டும்
ஜல் ஜல் தாளங்களை
என் ஆழ்ந்த மன அந்தரங்கத்தில்
கேட்கும் நாதங்களாக்கியவளே

புரியாதவள் போல நடிக்கின்றாய்
திமிர் பிடித்தவன் நான் என்கின்றாய்
என் உள்ளத்து அன்பை வெறும் நடிபென்கின்றாய்
போதும் நிறுத்திக் கொள் உன் கோபங்களை
தொடுவான எல்லையில் காத்திருக்கின்றேன்
நீ எனக்குள் தொலைத்த
உன் கொலுசுகளின் துணையோடு

நம் காதலின் புதுப்பாடம் – காத்திருப்பு
அதிகாலை வரப்போகும் ஆதவனுக்காக
நீண்ட இரவுகளில் கண்ணயராது காத்திருந்து
மொட்டு விரியுமாம் கமலம்
நாம் மீண்டும் சந்திக்கும் நாட்களுக்காக
காத்திரு உன் கோபங்களை விடுத்து அன்று
காதலெனும் கமலம் நமக்குள் மொட்டவிழட்டும்

பிற்குறிப்பு : இலங்கை பதிவர் சந்திப்பு 23-08-09 அன்று நடைபெற உள்ளதால் மேலே “புதியது” என்றும் அறிவித்தல் ஒன்று ஒட்டப்பட்டுள்ளது.. வாசகர்களுக்கு அதுபற்றிய ஓர் பரப்புரை செய்வதற்காக இந்தப் பதிவினை இருகின்றேன். அதாவது வாசகர்களை எனது வலைப்பூவின் பக்கம் சற்றுத் திருப்பிப் பார்க்க வைப்பதற்காக மாத்திரம் தான் இந்தப்பதிவு. மற்றும் படி காதலும் இல்லை கத்தரிக்காயும் இல்லை. நன்றி.

Categories: கவிதை, பாதித்தவை

13 comments