வசந்தத்தில் சில நாட்கள்

காலைநேர பனிக் காற்றில் உன் வரவிற்காய்
பல மணிநேரம் காத்திருந்த போது கிடைத்த இன்பம்…

வெறும் கண் பாசைதான் பேசினோமேயாயினும்
அது இருவருக்கும் புரிந்ததில் கிடைத்த இன்பம்…

வெள்ளிக் கொலுசு கட்டிய – உன் கால்கள் தினம் போட்ட கோலங்களை
பார்த்து இரதித்ததில் கிடைத்த இன்பம்…

கண்ணுக்குள் ஊடுருவும் என் பார்வையை ஏதேதோ ஜாலங்கள்
செய்து தடுப்பாயே அப்போது கிடைத்த இன்பம்…

பள்ளிசெல்ல முன் உந்தன் தரிசனத்தை நான் பெறுவதற்தாய்
நான் வரும்வரை வரும் பேருந்துகளை எல்லாம் தவிர்த்து தரிசனம் தருவாயே அப்போது கிடைத்த இன்பம்…

காரணம் ஏதன்று தெரியாமல் நீ சிரிக்கயில்
அதைப் பார்த்து நான் சிரிக்கும் போது கிடைத்த இன்பம்…

உயர்தரப் பரீட்சையில் நான் பெற்ற பெறுபேற்றைப் பார்த்து
என்னைப் பெருமையோடு பார்த்தாயே அப்போது கிடைத்த இன்பம்…

வெறும் வார்த்தைகளால் சொல்லமுடியாது நாம் அன்று பெற்ற அந்த இன்பங்களை..
எழுத்துக்களால் உணர்த்த முடியாது அவற்றை..

நினைவுகள் என்னும் நீண்ட பெருவெளியில்
அந்த இன்பங்கள் நமக்கு மட்டுமே சொந்தமடி!

[ காரணங்கள் ஏதுமின்றி எழுதப்பட்ட பதிவு ]

Categories: பாடசாலை நாட்கள், பாதித்தவை

13 comments