தேர்தலில் என்ன செய்யப் போகின்றார்கள் தமிழக மக்கள்

20 சதுர கிலோமீற்றர் பரப்பளவுள்ள மிகக் குறுகிய நிலப்பரப்பிற்குள் இரண்டரை இலட்சத்திற்கும் அதிகமான மக்கள் எந்த விதமான அடிப்படை வசதிகளும் இன்றி நாள்தோறும் அல்லற்பட்டுக் கொண்டிருக்கின்றார்கள். எந்த நேரத்திலும் மரணம் என்னும் அரக்கன் அவர்களை மிகக் கொடுமையாக விழுங்கி விடக்கூடும். மரணம் என்பது தவிர்க்கக் கூடியது அல்ல. ஆனால் அம்மரணம் எவ்வாறு வருகின்றது என்பதுதான் அவர்களுக்கு மிகக் கொடுமையான விடையம். கண் முன்னே பெற்ற தாய் தந்தையர், பெற்ற பிள்ளைகள் உடல் சிதறி குற்றுயிராய்க் கிடக்கும் போது தம்முயிருக்கும் உத்தரவாதம் இல்லாத அந்தக் கணத்தில் அவர்களால் என்ன செய்ய முடியும். எங்கும் பரிதாப அலறற் குரல்கள். தம்முயிரைக் காப்பாற்ற இனி எங்கே ஓடுவது..? போதாக்குறைக்கு அடைமழை வேறு அவர்களை வாட்டி வதைக்கின்றது. இதுவே இன்றைய வன்னி மக்களின் பரிதாப நிலை. வெறும் வார்த்தைகளால் உணர்த்தி விட முடியாது அவர்கள் அனுபவிக்கும் துயரத்தினை. அவர்கள் என்ன அவ்வளவு பாவம் செய்த பிறவிகளா? இறைவனுக்கு என்ன இதயமே இல்லையா? அவர்களின் மீது இறைவனின் பார்வை எப்போது விழும்.?

உலகெங்கும் பரந்துள்ள தமிழர்கள் நாள்தோறும் பல்வேறு சாத்வீகப் போராட்டங்களை நடாத்திக் கொண்டு இருக்கின்றார்கள். உலகமக்களின் கவனத்திற்கு அல்லற்படும் மக்களின் அபலக் குரலினை எடுத்துச் செல்வதற்கு எவ்ளவோ முயற்சி செய்கின்றார்கள். எந்த ஒரு நாட்டிலாவது தமிழ் அரசு நடைமுறையில் இருக்குமானால் எமக்காக அந்த அரசு நிட்சமயாகக் குரல் கொடுத்திருக்கும். ஆனால் எமது துரதிஸ்டம் எமக்காகக் குரல் கொடுக்க யாரும் இல்லை. இனி நாமாகக் தடைகளை உடைத்தெறிந்தாலே ஒழிய வேறு வழியில்லை.!

ஆறு கோடி தமிழரின் தலைவர் என்றும் ஆறாவது முறையாகவும் இம்முறை ஆட்சியைப் பிடிப்பேன் என்றும் மார்தட்டிக் கொண்டிருக்கும் தமிழகத் தலைவர் நினைத்திருந்தால் எப்போதோ இந்த அனர்த்தங்களைத் தடுத்து தவிர்த்து வரலாற்றுப் புகழினைப் பெற்று
இருக்கலாம். தமிழர்களைப் பொறுத்தவரையில் அதிகாரத்தில் இருக்கும் ஒரேயொரு தலைவர் அந்த 84 வயதுப் பெரியவர்தான். மாறி மாறி கட்சிகளைத் தாக்கி அறிக்கைகளை விடுவதைத் தவிர்த்து எப்போதோ காத்திரமான செயற்திறன் மிக்க முடிவினை எடுத்து எம் மக்களைக் காத்திருக்கலாம். ஆனால் தனது அரசியல் சுயநலத்திற்காக எம் மக்களின் துயரத்தினைப் பயன்படுத்தத் துடிக்கும் இதயமற்ற மனிதர் என்பதினை நிரூபித்துள்ளார் முதல்வர். தனது
தேர்தல் பிரசாரத்திற்காக எம்மவர்களின் துயரத்தினைப் பயன்படுத்தத் துடிக்கும் மனித மிருகங்களை வரலாறு மன்னிக்காது. நிட்சயமாக இவர்களைப் போன்றவர்கள் வருகின்ற தேர்தல் களத்தில் இருந்து ஏன் அரசியலில் இருந்தே தூக்கியெறியப்பட வேண்டும். இது தமிழக மக்களின் கைகளிலேயே இருக்கின்றது. பல்லாண்டு கால வரலாற்றுப் புகழைக் கொண்ட மக்களை மாந்தைக் கூட்டமாக நினைத்து ருசி பார்க்க நினைத்த குள்ளநரிக் கூட்டத்தை ஓட ஓட விரட்டியடிப்போம் என்று முடிவெடுப்போம்.

முடியாதது என்று எதுவுமேயில்லை… முடித்துக் காட்டுவோம் !!!!

Categories: அரசியல், எனது பார்வையில், பார்வை, வன்னி

14 comments