தமிழில் ஓரு புதிய உதயம் – ஒலியோடை – Podcast

PodCast என பல ஆங்கில இணையத் தளங்களில் பிரபல்யம் பெற்று விளங்கும் ஒலித் தொகுப்புக்களில் பல தரப்பட்ட விடையதானங்களை அலசியிருக்கின்றார்கள். அனேகமாக அவை ஒன்றிற்கு மேற்பட்ட நபர்களின் மிக நேர்த்தியான திட்டமிடலுன் தொழில்நுட்பம் சார்ந்த ஒருங்கிணைந்த ஒரு மணி நேரத்திற்கும் குறையாத உரையாடலாக அமைவதுண்டு.

ஆனால் தமிழில் இவ்வாறான முயற்சிகள் மிக அரிதாகவே மேற்கொள்ளப் படுகின்றன. ஆனால் நிமல் மற்றும் ரமணன் இணைந்து வலைப் பதிவுலகில் புதிய முயற்சி ஒன்றை ஆரம்பித்திருக்கிறார்கள். நேர்த்தியான திட்டமிடலுடன் ஒலியோடை என்னும் புதிய வலைப்பதிவு ஒன்றில் தமது கன்னி podcast இனை பதிந்துள்ளார்கள். தமது கன்னி முயற்சியில் சிறந்த ஒலித் தரத்துடன் ஃபயர்ஃபொக்ஸ் இணைய உலாவியின் தொழிற்பாடுகளை விரிவாக்க உதவும் நீட்சிகள் பற்றிய சிறிய அறிமுகத்தினைத் தந்திருக்கின்றார்கள். மிகவும் இலகுவான தமிழ் உரைநடைப் பாணியில் 15 நிமிடங்களுக்கு உரையாடியிருக்கின்றார்கள்.

இவர்களின் இம் முயற்சி வெற்றிபெற்று தமிழில் பல podcastகள் மேலும் வர வேண்டும் என்பதே என் அவா.

Categories: எனது பார்வையில், படித்தவை ரசித்தவை

2 comments