அன்ரிமற்றர்ஸ்

இந்த உலகம் இன்று முன்னேற்றம் என்ற பாதையில் அதியுச்ச வேகத்தில் பயணித்துக் கொண்டிருக்கின்றது. எண்ணற்ற கண்டுபிடிப்புக்களும் ஆராச்சிகளும் மனித வாழ்வியலை மிகவும் மேம்பட்ட நிலைக்கு இட்டுச் செல்கின்றன. மகத்தான பல விஞ்ஞானிகளின் உறக்கமற்ற ஆராச்சிகளின் அறுவடையே இத்தகைய கண்டுபிடிப்புகள். அவையென்னவோ மனிதத்தின் முன்னேற்றத்தினை நோக்கமாகக் கொண்டிருப்பினும் மனித இனத்தின் முன்னேற்றத்திற்கு மட்டும் தான் உபயோகிக்கப்படுகின்றதா எனில். நிட்சயமாக இல்லைதான்.

அணுவைப் பிளக்கலாம் என எண்ணிய மனிதன் விஞ்ஞானத்தின் துணையுடன் நிரூபித்த சாட்சிகள் இன்னும் ஹிரோசிமா நாகசாகியில் வாழ்கின்றார்கள். ஆனால் என்னவோ விஞ்ஞானத்தின் பார்வையில் இத்தகைய சாட்சியக் காட்சிகள் புலப்படுவதில்லை. விஞ்ஞானம் எப்போதும் தன்நிலை முன்னேற்றத்தையே முன்னிலைப் படுத்தி நிற்கின்றது.

அந்த அணுப்பிளவிலும் பார்க்க பயங்கரமான பல ஆராச்சிகள் இன்று CERN இயற்பியல் ஆராய்ச்சி மையத்தில் நடந்துகொண்டிருக்கின்றன. அவற்றில் ஒன்று Antimatters பற்றிய ஆராய்ச்சி.

அது சரி Antimatters என்றால் என்ன?
Antimatters பற்றிய ஆராச்சியில் உள்ள பயங்கரம் தான் என்ன?

இந்தப் பிரபஞ்சத்தில் எந்த ஒரு விடையத்திற்கும் இரண்டு பக்கங்கள் இருக்கின்றன. ஒவ்வொன்றும் எதிர்த்தன்மை தன்மை வாய்ந்தவை. இரவிற்குப் பகலும், எதிர் முனைக்கு (-ve) நேர் முனையும் (+ve) எனப் பல உதாரணங்களை முன்வைக்கலாம். எனவே சடத்திற்கும் எதிர்த்தன்மை வாய்ந்த எதிர்சடம் (Antimatters ) ஒன்று இருக்கவேண்டும் என்பதே விஞ்ஞானிகளின் வாதம். ஆனால் அந்த எதிர்சடத்தினை எவ்வாறு உருவாக்குவது என்பது தான் விஞ்ஞானிகளின் ஆராச்சியாக இருந்தது. ஆனால் antihydrogen என்னும் முதலாவது எதிர்சடத்தினை விஞ்ஞானிகள் எப்போதோ உருவாக்குவதில் வெற்றி பெற்றுவிட்டார்கள்.

இலத்திரனுக்கு எதிர்த்தன்மை வாய்ந்த பொசிற்றோனையும் புரோத்திரனுக்கு எதிரான எதிர்புரோத்தோனையும் (antiproton) சேர்த்து antihydrogenஐ உருவாக்கியுள்ளார்கள். ஆனால் இந்த அன்ரிஹைற்ரயனை ஆய்வு கூடத்தினில் பாதுகாப்பது மிகக்கடினமான காரியம். ஏனெனில் அன்ரிமற்றர்கள் சாதாரணமாக மற்றர்களுடன் சேர்ந்து பஸ்பமாகிவிடும். அதாவது ஒரு சடம் இல்லாமல் அழிக்கப்படுகின்றது.

இதுவே இந்த அன்ரிமற்றர்களில் உள்ள பயங்கரமான ஆபத்து. அன்ரிமற்றர்கள் பல மடங்கில் உருவாக்கப்பட்டால் அவை இப் புவியில் உள்ள சடத்தை பஸ்பமாக்கி விடக்கூடும். அதாவது இப் புவியின் திணிவு குறைவடைந்து புவியின் சடத்துவத் திருப்பம் மாற்றமடையும். இதனால் புவியின் ஒழுக்கு சூரியனை நோக்கிய இயக்கமாக மாற்றமடையும். அவ்வியக்கம் புவியின் அழிவின் ஆரம்பமாக அமைந்துவிடும்.

ஆனால் இந்த விடையங்கள் விஞ்ஞானிகள் அறிந்திராதது அல்ல. ஆனால் அவர்களின் நோக்கம் புதுப்புது கண்டுபிடிப்புக்களைக் கண்டுபிடிப்பதும் விஞ்ஞானத்தின் முன்னேற்றத்தையே அவர்கள் முன்னிலைப் படுத்தி நிற்கின்றார்கள். அவர்கள் அன்ரிமற்றர்களைப் பாதுகாப்பதற்கான முறையொன்றையும் பிரேரிக்கலாம். ஆனால் இந்த அன்ரிமற்றர்கள் குறுகிய நோக்கம் கொண்ட மனித மிருகங்களின் கைகளில் கிடைக்கப் பெற்றால்…. நாளைய மனித சமுதாயம் அழிவைச் சந்திப்பதைத் தவிர்ப்பது இயலாத காரியம்.