சூரிய கிரகணத்திற்கும் பூமியதிர்வுக்கும் என்ன சம்பந்தம்…?

நாளை சூரிய கிரகணமாம். அத்தோடு சுனாமி வேறு வரக்கூடிய சாத்தியக்கூறுகள் அதிகமாக இருக்கின்றனவாம். இவைதான் இன்றைய கூடான செய்திகள். 2004ம் ஆண்டு சுனாமியின் தாக்கத்தில் இருந்தே நாம் இன்னமும் முழுமையாக மீளாத இந்த சந்தர்பத்தில் இன்னும் ஒரு சுனாமியா!. அன்றைய சுனாமியின் தாக்கத்தினால் ஏற்பட்ட சேதாரத்தை பார்த்வர்களில் நானும் ஒருவன். 2004ம் ஆண்டு நவம்பர் 26ம் திகதி யாழ் பொது வைத்தியசாலையில் அனுமதிக்கபட்ட பல காயம்பட்டவர்களின் அவலக்குரலினைக் கேட்டவன். 2004ம் ஆண்டு சுனாமியின் ஞாபகச்சின்னங்கள் இன்னமும் நம்மத்தியில் வாழ்ந்து கொண்டுதான் இருக்கின்றார்கள். சுனாமியின் வேதனையும் வடுவும் அவர்களுக்குத்தான் எம்மைவிட அதிகமாகத் தெரியும். NASA உட்பட பல நிறுவனங்கள் எச்சரிக்கை விடுத்தும் நமது அரசாங்கம்-அரச காலநிலை அவதானிப்பு நிலையம் அபாய அறிவிப்பை விடுக்கவில்லை. காரணம் இலங்கைக்கு சுனாமி வராதாம்-அதனால்தான் சுனாமி வரக்கூடுமோ நம்ப வேண்டியதாக இருக்கின்றது.

சரி சூரிய கிரகணத்திற்கும் பூமியதிர்வுக்கும் என்ன சம்பந்தம்…? எங்கோ நடக்கும் சூரிய கிரகணத்தினால் இந்த பூமியில் என்ன நடக்கப்போகின்றது. நமக்குத் தெரிந்து சிறிது நேரத்திற்கு இருள் சூழ்ந்து இருக்கும். அவ்வளவுதானே என்று நினைக்கின்றீர்களா.. இல்லவே இல்லை..

சாதாரணமாக அமாவாசைக் காலங்களில் மூளையின் சாதாரண செயற்பாட்டில் குறைபாடு உடையவர்களுக்கு சிறிது அசாத்திய சக்தி பெற்றது போல் அதாவது அவர்களது செயற்பாடுகள் அதிகரித்துக் காணப்படும். அதுவும் சூரிய கிரகண நாட்களில் அவர்களைக் கட்டுப்பாட்டில் வைத்திருப்பதற்கு சிறந்த வைத்தியக் கண்காணிப்பு அவசியம். அது ஏன் என்றால் அமாவாசைக் காலங்களில் எனது தலைப் பகுதிக்கான இரத்த ஓட்டம் மிக அதிகமாக இருக்கும். இந்த உலகத்தில் நடைபெறுகின்ற அனைத்து செயற்பாடுகளுக்கும் நாம் விஞ்ஞான விளக்கத்தின் ஊடாக விளங்கமுடியும்.

பொதுவாக அமாவாசைக் காலங்களில் சூரியனும் சந்திரனும் பூமிக்கு ஒரே திசையில் வருவதனால் அவற்றினால் இப்புவியின் மீது சூரியனினாலும் சந்திரனாலும் ஏற்படும் ஈர்ப்பு இழுவை அதிகமாக இருக்கும். அதாவது இரண்டு பேர் நின்று கட்டியிழுத்தால் என்ன
நடக்கும் என்று யோசி்த்துப் பாருங்களேன்.

பொதுவாக அமாவாசைக் காலங்களிலேயே இந்த நிலையென்றால் அதுவும் சூரியனும் சந்திரனும் பூமியும் ஒரே நேர்கோட்டில் வரும்போது அந்த ஈர்ப்பு இழுவை பலமடங்கு அதிகமாக இருக்கும். அதாவது சூரியனும் சந்திரனும் சேர்ந்து பூமியினை ஒரு நேர்கோட்டில் இழுக்கும். அதனால் புவியின் மேற்பரப்பில் கடலில் (Tidal forces) கடலலையின் சக்தி இன்னும் அதிகமாக காணப்படும். இந்தக் கடலலையின் சக்தியால் கடலடித்தளத்தில் அவை அழுத்ததினை ஏற்படுத்தும். இவ்வாறான இரு விசைப்பிரயோகங்கள் புவியோடுகளில் தாக்கத்தினை ஏற்படுத்தும். இந்த ஈர்ப்பு விசைகளினால் ஏற்படும் விளையுள் விசையானது இரண்டு புவியடுக்குகள் சந்திக்கும் புள்ளில் தாக்கும் போது புவியடுக்குகளில் குழப்பம் ஏற்பட்டு அவற்றில் எழுந்தமாறான அசைவு ஏற்படும். அந்த அசைவானது ஒரு தொடர்ச்சியான பூமியதிர்ச்சியை அந்த இரு புவியடுக்குகள் சந்திக்கும் கோட்டின் வழியே ஏற்படுத்தும் என்பது சூரியகிரகண பூமியதிர்ச்சி விதியாகும்.

இந்த விதியின் அடிப்படையில்த்தான் விஞ்ஞானிகளால் July 22 இல் இருந்து 30th 2009 வரையான 8 நாட்களில் புவியில் புவியதிர்வுடன் சுனாமியும் ஏற்படலாம் என எதிர்வுகூறப்படுகின்றது.

கூடுதலான புவியதிர்வு நிகழ்வுகள் ஜப்பானின் தெற்குப் பகுதியில் ஏற்படலாம். அதனால் தாய்வான் மற்றும் இந்தோனேசியாவினைக் கூடுதலாகப் பாதிக்கும் என எதிர்வுகூறுகின்றார்கள் விஞ்ஞானிகள்.

மேலுள்ள படத்தில் நீலநிறத்தில் காணப்படும் பாதையானது பூரண சூரிய கிரகணத்தை ஏற்படுத்தும் சந்திரனின் ஒழுக்கு ஆகும். அதாவது 11:30 AM இற்கும் 12:30 PM இடைப்பட்ட நேரத்தில் எங்கெங்கே சூரிய கிரகணம் முழுமையாக இருக்கும் என்பதனையே சிகப்பு நிறப்புள்ளிகள் தெளிவுபடுத்துகின்றன. அந்த இடங்களில் 7.0 ரிக்ரர் அளவில் புவியதிர்ச்சி ஏற்படலாம்.

எல்லாமே எதிர்வுகூறல்தானே என இலகுவில் புறக்கணிக்க முடியாத தகவல்கள் இவை. பொறுத்திருந்துதான் பார்க்க வேண்டும். எல்லாம் அவனுக்குத்தான் வெளிச்சம். ஆனால் அப்படி சுனாமியேற்பட்டாலும் இலங்கைக்குப் பாதிப்பு மிகக் குறைந்த அளவிலேயே காணப்படும். ( சுனாமி வந்துச்சுண்டா.. அப்படியே சீனாவ கரைச்சுக்கொண்டு போட்டுதென்றால் எப்படியிருக்கும். ஏனா..?? )

தகவல் மூலம் : Japanese Quake and Tsunami Predicted July 22 2009

Categories: அறிவியல், எனக்குத் தெரிந்தவை, எனது பார்வையில், பார்வை